Астана қаласы тұрғындарының және сегізінші сайланымының қалалық мәслихат депутаттарының назарына!

Астана қаласы мәслихатының VIII сайланымының кезекті сессиясын өткізу уақытының өзгертілгенін хабарлаймыз.

Астана қаласы мәслихатының VIII сайланымының кезекті сессиясы 2026 жылғы 24 қыркүйекте бұрын белгіленген сағат 10:00-дің орнына сағат 15:00-де өтеді 

Күн тәртібі 

1. Өткен жыл бойынша әлеуметтік-мәдени даму саласындағы мемлекеттік және жергілікті бағдарламаларды іске асыру және алдағы кезеңге арналған міндеттер туралы.

Баяндамашылар:
Талғат Абайұлы Рахманберді - Астана қаласы әкімінің орынбасары.
Ерік Серікұлы Мейрхан - Астана қаласы әкімінің орынбасары.

Сөз сөйлеуші: Алтыншаш Жұмашқызы Табулдина – Астана қаласы мәслихатының VIII сайланымының депутаты, Астана қаласы мәслихатының әлеуметтік-мәдени даму мәселелері жөніндегі тұрақты комиссиясы төрағасының орынбасары.

2. Астана қаласы мәслихатының әлеуметтік-мәдени даму мәселелері жөніндегі тұрақты комиссиясының есебі туралы.

Баяндамашы: Асқар Сайлаубекұлы Смағұлов - тұрақты комиссияның төрағасы.

3. «Астананың орманды саябақ аймағын басқару және оның аумағындағы қызметтің шектеулі режимі қағидаларын бекіту туралы».

Баяндамашы: Дәулет Боранбайұлы Досқұлов - «Астана қаласының Қоршаған ортаны қорғау және табиғатты пайдалану басқармасы» ММ басшысы.

4. «Астана қаласының Құрметті азаматы» атағын беру қағидаларын бекіту туралы.

Баяндамашы: Исламбек Айдарұлы Байманов - «Астана қаласының Ішкі саясат басқармасы» ММ басшысының м.а.

5. Астана қаласында мүгедектігі жоқ адамдарға медициналық көрсетілімдер бойынша есту аппараттарымен қамтамасыз ету туралы.

Баяндамашы: Айнұр Сәкенқызы Тулеуова - «Астана қаласының Қоғамдық денсаулық сақтау басқармасы» ММ басшысы.

6. Салық салу мақсаттары үшін жерлерді аймақтарға бөлу схемасы және жер салығының базалық мөлшерлемелерін арттырудың (төмендетудің) пайыздары туралы.

Баяндамашы: Бахтияр Бейсентайұлы Ілиясов - «Астана қаласының Сәулет, қала құрылысы  және жер қатынастары басқарамасы» ММ басшысының м.а.

7. «Салық салу мақсатында жерді аймаққа бөлу схемасы және жер салығының базалық мөлшерлемелерін арттыру (азайту) пайыздары туралы» Астана қаласы мәслихатының 2018 жылғы 9 қарашадағы № 326/41-VI шешімінің күші жойылды деп тану туралы.

Баяндамашы: Бахтияр Бейсентайұлы Ілиясов - «Астана қаласының Сәулет, қала құрылысы  және жер қатынастары басқарамасы» ММ басшысының м.а.

8. «Астана қаласының автотұрақтар (паркингтер) орналасқан жерлеріне

салықтың базалық мөлшерлемелері туралы»  Астана қаласы мәслихатының 2018 жылғы 9 қарашадағы № 325/41-VI шешімінің күшi жойылды деп тану туралы.

Баяндамашы: Бахтияр Бейсентайұлы Ілиясов - «Астана қаласының Сәулет, қала құрылысы  және жер қатынастары басқарамасы» ММ басшысының м.а.

9. «Астана қаласы үшін жасанды интеллект базасында қалалық инфрақұрылымды басқаруға арналған шешімі» мемлекеттік-жекешелік әріптестік жобасы бойынша мемлекеттік міндеттемелерді қабылдау туралы» Астана қаласы мәслихатының 2025 жылғы 14 ақпандағы № 265/34 -VIII шешіміне өзгерістер енгізу туралы.

Баяндамашы: Берік Айтпайұлы Ахметов  - «Астана қаласының Цифрландыру және мемлекеттік қызметтер басқармасы» ММ басшысы.

10. Қалалық мәслихат сессияларында айтылған сын-ескертпелер мен ұсыныстардың орындалу барысы туралы.

Баяндамашы: Табиғат Зейнұлқабден - Астана қаласы мәслихатының төрағасы

11. Астана қаласы мәслихатының кезекті сессиясының қарауына енгізілетін негізгі мәселелер туралы.

Баяндамашы: Табиғат Зейнұлқабден - Астана қаласы мәслихатының төрағасы. 

Астана қаласы
мәслихатының төрағасы
Т. Зейнұлқабден

Анықтама үшін телефон нөмірі:  55-66-37.