Астана қаласы мәслихатының депутаттары – Қазақстан Республикасы Президентінің сұхбатында айқындалған негізгі басымдықтар туралы
Қазақстан Республикасы Президенті Қасым-Жомарт Тоқаевтың 2026 жылғы 5 қаңтардағы «Turkistan» газетіне берген сұхбаты елдің қоғамдық-саяси өміріндегі маңызды оқиғаға айналды және Қазақстанда жүзеге асырылып жатқан ауқымды реформалар бағытының қисынды жалғасы болды. Мемлекет басшысы мазмұны терең әрі кең форматтағы сұхбат барысында 2025 жылдың қорытындыларына кешенді баға беріп, жаңғыртудың жаңа кезеңіндегі басымдықтарды айқындады, сондай-ақ алдағы кезеңнің негізгі сын-қатерлері мен міндеттеріне егжей-тегжейлі тоқталды.
Сұхбатта әлеуметтік-экономикалық дамудың, инфрақұрылымды жаңғыртудың, цифрландыру мен жасанды интеллектіні дамытудың негізгі басым бағыттары нақты белгіленді. Азаматтарды атаулы қолдауға, сыбайлас жемқорлықпен күреске және заңдылықты нығайтуға ерекше назар аударылды.
Президент тарапынан айтылған ұстанымдар мен берілген бағалар мемлекеттік биліктің барлық деңгейлері, соның ішінде жергілікті өкілді органдар үшін айрықша маңызға ие. Сұхбатта реформалардың табысты іске асуы олардың өңірлерде нақты жүзеге асырылуына, халықпен жүйелі жұмыстың жүргізілуіне және әрбір мемлекеттік институттың жауапкершілігіне тікелей байланысты екені анық көрсетілген.
Астана қаласы мәслихатының депутаттары сұхбаттың мазмұнымен мұқият танысып, Мемлекет басшысының стратегиялық көзқарасын толық қолдайды. Олардың пікірінше, айқындалған басымдықтар мен ұстанымдар елордадағы алдағы жұмыстың негізгі бағдары болып табылады. Бұл қалалық инфрақұрылымды және әлеуметтік саланы дамытудан бастап, цифрлық шешімдерді енгізуге, қала тұрғындарының өмір сапасын арттыруға, сондай-ақ әділеттілік пен заңдылық қағидаттарын нығайтуға дейінгі барлық бағыттарды қамтиды.
Төменде Астана қаласы мәслихаты депутаттарының пікірлері ұсынылады. Онда Президент сұхбатында көтерілген негізгі тезистерге берілген бағалармен қатар, Қазақстан Республикасының астанасы деңгейінде қойылған міндеттерді практикалық тұрғыда іске асыруға қатысты көзқарастар көрініс тапқан.
