Мәслихаттың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Мемлекет басшысының Қазақстан халқына Жолдауының негізгі бағыттарын және елорда әкімінің есебін талқылау жөніндегі отырысы

Қалалық мәслихаттың жалпы отырысында Мемлекет басшысының қойған өзекті міндеттері және оларды елорда жағдайында жүзеге асыруға баса назар аударылды.

Шамамен екі сағатқа жуық уақыт бойы депутаттардың Астана қаласының әкімімен кездесуі өтті. Әкімнің баяндамасы әлеуметтік-экономикалық даму, Қазақстан Республикасы Президентінің тапсырмаларын орындау, қалалық инфрақұрылымды жақсарту және тұрғындардың өмір сүру сапасын арттыруға қатысты кең ауқымды мәселелерді қамтыды. Қала әкімі Мемлекет басшысының Қазақстан халқына арнаған Жолдауында айтылған негізгі бағыттар бойынша Астанада жүйелі жұмыс жүргізіліп жатқанын атап өтті.

Шағын және орта бизнесті қолдау туралы айта келе, жастар мен әлеуметтік кәсіпкерлікті дамытуға арналған қаржылық және инфрақұрылымдық қолдаудың жаңа тетіктері енгізілгені атап өтілді. Өйткені дәл осы шағын және орта бизнес халықты жұмыспен қамтудың негізгі қозғаушы күші болып табылады. Елордада тұрғын үй-коммуналдық шаруашылықты жаңғырту, инженерлік желілерді жаңарту, энергия тиімділігі мен басқаруды цифрландыруды арттыру жұмыстары жалғасуда. Көлік, денсаулық сақтау, білім беру салаларында "ақылды сервистер" енгізілуде. Мектептерде оқушыларға жасанды интеллект саласында цифрлық дағдылар мен құзыреттерді қалыптастыру бойынша жұмыстар жүргізу жоспарлануда. Өңдеу өнеркәсібінде индустриялық аймақта инвестициялық жобалар жүзеге асырылып, өндірістік кәсіпорындарды қолдау шаралары кеңейтіліп, жергілікті қамту үлесі ұлғайтылуда. Индустриалды парк №2 аумағында машина жасау, құрылыс материалдарын өндіру, тамақ, жиһаз және жеңіл өнеркәсіп салаларында шамамен 100 жоба жүзеге асырылуда. Жол қауіпсіздігін қамтамасыз етуге айрықша көңіл бөлінуде. Бұл жүйелі міндет болып саналады және оған цифрландыру мен жол-көлік оқиғаларының алдын алуды қоса алғанда кешенді тәсіл қажет.

Мемлекет басшысының Жолдауында теңгерімді көші-қон саясатының қажеттілігі, ішкі көші-қонды бейімдеу мен ықпалдастыру үшін жағдай жасау туралы айтылды. Осыған байланысты елдің барлық өңірлерінде өндірісті тұрақтандыру, экономиканың өсуі және әлеуметтік инфрақұрылымды жоспарлы дамыту қажет. Астанаға халықтың көптеп ағылуы жергілікті атқарушы органдар тез арада шешуге тиіс көптеген проблемалық мәселелерді туындатады.

Мәслихат депутаттары тұрғындардан келіп түскен сұрақтарды жеткізді, проблемалық аймақтарды белгілеп, қалалық бағдарламалардың іске асырылуын бақылау бойынша бірлесіп жұмыс істеуге дайын екенін білдірді.

Қала әкімі депутаттардың сұрақтарына жауап беріп, алдағы кездесулерде Президент Жолдауының барлық негізгі бағыттарын егжей-тегжейлі талқылауды, қарау үшін 2-3 тақырыпты бөліп алуды ұсынды.

Кездесу соңында Мемлекет басшысы айқындаған, елорданың тұрақты дамуы мен тұрғындарының әл-ауқатын арттыруға бағытталған міндеттерді іске асыруда өкілдік және атқарушы билік арасындағы тығыз өзара іс-қимылдың маңыздылығы ерекше атап өтілді.