Журналистика күні қарсаңында «Elorda Info» интернет-басылымының ұжымымен, сондай-ақ «Астана Ақшамы» мен «Вечерняя Астана» газеттерінің редакцияларымен кездесу өтті

Аталған бұқаралық ақпарат құралдары бүгінгі таңда елорда тұрғындарына кеңінен таныс. Биыл «Астана Ақшамы» мен «Вечерняя Астана» газеттерінің 35 жылдық мерейтойы аталып өтуде. Бұл - осы басылымдардың ұзақ жылдар бойы қаланың және қала тұрғындарының үнін жеткізіп келе жатқанын айқын дәлелдейтін елеулі белес. Кездесу барысында редакцияларды толғандырып отырған өзекті мәселелер талқыланып, ұсыныстар мен бастамалар тыңдалды. Журналистерге қолдау көрсету және сапалы қалалық журналистиканы дамыту - маңызды міндет.

Газеттер мен интернет-ресурстар қоғамдық пікір қалыптастыруда, астананың тыныс-тіршілігін көрсету мен насихаттауда, қоғам үшін маңызды ақпаратты жеткізуде, өткір мәселелерді көтеруде және қала тұрғындарын біріктіруде маңызды рөл атқарады. Сондықтан да, бұл басылымдарды жай ғана ақпарат құралы емес, Астананың шежіресін жазып отырған рухани мұрагерлер деуге толық негіз бар.