Астана қаласы Қоғамдық кеңесінің төрағасы

Гаипов Зулфухар Сұлтанұлы 1965 жылы 3 қазанда дүниеге келген. 

1993 жылы Әл-Фараби атындағы Қазақ мемлекеттік университетін әлеуметтік-саяси пәндер оқытушысы мамандығы бойынша бітірген.

Еңбек жолын Әл-Фараби атындағы Қазақ мемлекеттік университетінде оқытушы болып бастады, содан кейін деканның орынбасары болды.

Қазақстан Республикасы Білім министрлігінің Ғылым және білім саласындағы бақылау комитеті төрағасының орынбасары болып жұмыс істеді. 2013 жылдан бастап 2022 жылдың 22 тамызына дейін Астана қаласының Көлік және коммуникациялар колледжінің директоры болып жұмыс істеді. 2022 жылдың 23 тамызанан  қазіргі уақытқа дейін ҚР Президентінің жанындағы Мемлекеттік басқару институтының директоры болып жұмыс істейді. 

Қазақстан Республикасының Білім беру ісінің үздігі.

Саясаттану ғылымдарының докторы, доцент.

Қазақстан Республикасы Президентінің Алғыс хатымен және «Алтын Барыс» (2025 ж.) төс белгісімен; «Парасат» (2022 ж.); «Құрмет» (2017 ж.) ордендерімен, Чернобыль апатын жоюға қатысқаны үшін «Ерлігі үшін» (2008 ж.)  медалімен; этносаралық бірлікті, қоғамдық келісім мен патриотизмді нығайтуға қосқан үлесі үшін «Бірлік» (2025 ж.) алтын медалімен; Бауыржан Момышұлы атындағы «Батыр шапағаты» (2012 ж.) алтын медалімен, сондай-ақ бірнеше мерейтойлық медальдармен марапатталған.

Ғылым мен білім беру саласына қосқан үлесі үшін «Білім беру ісінің құрметті қызметкері» (2014 ж.), «Ыбырай Алтынсарин» (2015 ж.) төсбелгілерімен марапатталған.

2016 жылы Астана қаласы мәслихатының алтыншы шақырылымының депутаты болып сайланды.

Қоғамдық кеңес төрағасының өкілеттіктері ( «Қоғамдық кеңестер туралы» 2015 жылғы 2 қарашадағы Қазақстан Республикасы Заңының 12 бабының 1 тармағы):

Қоғамдық қеңестің төрағасы:

1) Қоғамдық кеңестің қызметін ұйымдастырады;

2) отырыстарда төрағалық етеді;

3) Қоғамдық кеңестің атынан құжаттарға қол қояды;

4) Қоғамдық кеңестің шешімдерін іске асыру жөніндегі қызметті үйлестіреді;

5) кеңесші дауыс құқығымен жергілікті мемлекеттік басқару органының отырыстарына қатысады;

6) Қоғамдық кеңестің төрағасы болмаған уақытта төрағаның міндеттерін атқаруды Қоғамдық кеңес төралқасы мүшелерінің біріне береді.