Орта білім беру саласындағы мемлекеттік аудит қорытындылары қаралды
Кезекті Ревизиялық комиссия отырысында орта білім беру саласындағы мемлекеттік білім беру тапсырысының іске асырылуына жүргізілген мемлекеттік аудиттің қорытындылары қаралды.
Аудит елордадағы білім беру жүйесінің оң даму қарқынын растады: мемлекеттік мектептер желісі кеңейіп, оқушы орындарының саны артып, материалдық-техникалық база нығайтылуда, сондай-ақ үш ауысымды мектептер саны қысқаруда.
Сонымен қатар бюджет қаражатын жоспарлау және пайдалану, бухгалтерлік есепті жүргізу және ішкі бақылауды ұйымдастыру бағытында бірқатар кемшіліктер анықталды.
Аудит қорытындысы бойынша анықталған бұзушылықтарды жою, ішкі бақылауды күшейту және бюджет қаражатын пайдалану тиімділігін арттыру жөнінде тиісті тапсырмалар берілді.
