Кедергісіз қалалық инфрақұрылымды құру мәселелері жөніндегі тұрақты комиссияның отырысы
Қалалық мәслихатта Асқар Смағұловтың төрағалығымен «Кедергісіз қалалық инфрақұрылымды жаңғырту және инклюзивті орта құруға бюджет қаражатын пайдаланудың тиімділігі туралы» тақырыбында әлеуметтік-мәдени даму мәселелері жөніндегі тұрақты комиссияның отырысы өтті.
Отырыс барысында кедергісіз қалалық ортаны қалыптастыру, мүгедектігі бар адамдар мен халықтың мобильдігі төмен топтары үшін әлеуметтік, көліктік және қалалық инфрақұрылым объектілерінің қолжетімділігін қамтамасыз етуге бағытталған бюджет қаражатын пайдалану тиімділігі жөніндегі жұмыстың нәтижелері қаралды.
Жұмыспен қамту және әлеуметтік қорғау басқармасының басшысы Ерлан Жүсіпов мүгедектігі бар адамдардың саны (41 мың адам), оның ішінде 12 мың бала, арнаулы әлеуметтік қызметтер орталықтарының саны (15 бірлік) туралы статистиканы ұсынды. Мүгедектігі бар балалардың жыл сайынғы өсімі 14-20% құрайды. Ол азаматтардың барлық санаттары үшін жайлылыққа, қауіпсіздікке және қолжетімділікке бағдарланған заманауи қалалық ортаны қалыптастыру саясатын іске асыру туралы баяндады. Баяндамада ағымдағы жылы қалалық орындарды абаттандыру шеңберінде жайлы орта құру бойынша жұмыс жалғастырылатыны, мүгедектігі бар адамдарға, көрікті жерлерге, әлеуметтік нысандарға, қоғамдық тамақтандыру мекемелеріне және өзге де орындарға қолжетімділікке әлеуметтік қолдау көрсету жоспарланатыны атап өтілді.
ҚР ЕХӘҚМ Халықты әлеуметтік қорғау саласындағы реттеу және бақылау комитетінің Астана қаласы бойынша департаментінің басшысы Асқар Аймағамбетов объектілерді тексеру және мониторинг жүргізу нәтижелерін, қолжетімділіктің нормативтік талаптарын, сондай-ақ анықталған бұзушылықтар мен ден қою шараларын ұсынды.
Депутаттар мәселелердің едәуір бөлігі бюджет қаражаты есебінен шешілгенін атап өтті. Сонымен қатар, баяндамалар барысында Астана қаласының 2026-2030 жылдарға арналған Даму жоспарының орындалуы туралы, оның ішінде екінші бағыт – «Қала халқының әл-ауқаты мен өмір сүру сапасының өсуі» аясында ақпарат ұсынылмады.
Бірқатар көрсеткіштер бойынша оң динамика, атап айтқанда, объектілердің қолжетімділігі мәселелері бойынша шағымдар санының төмендеуі байқалғаны атап өтілді. Алайда, депутаттардың пікірінше, бұрмалау жағдайларын болдырмауға және сыбайлас жемқорлық тәуекелдерін азайтуға бағытталған алдын алу жұмыстары белсенді жүргізілмейді.
Отырысты қорытындылай келе, тұрақты комиссияның төрағасы Асқар Смағұлов кедергісіз орта талаптарын бұзушылықтардың бар екендігін, оның ішінде пандустардың, көтергіш платформалардың, лифт жабдықтарының, сондай-ақ жол инфрақұрылымының жекелеген элементтерінің - жаяу жүргіншілер өткелдерінің, тротуарлар мен кіреберістердің болмауын немесе тиісті емес жай-күйін атап өтті, бұл мүгедектігі бар адамдар мен мобильділігі төмен азаматтардың өз бетінше және қауіпсіз жүріп-тұру мүмкіндігін айтарлықтай шектейді. Осыған байланысты жергілікті атқарушы органдарға анықталған бұзушылықтарды жою жөнінде қажетті шаралар қабылдау, қалалық және жол инфрақұрылымының қолжетімділігін қамтамасыз етуді бақылауды күшейту, сондай-ақ толыққанды инклюзивті орта құру жөніндегі жұмысты жандандыру туралы тапсырма берілді.
Сондай-ақ тұрақты комиссияның төрағасы басқармаларға кейіннен отырыс хаттамасына енгізу үшін жағдайды жақсарту жөнінде жазбаша түрде ұсыныстар беру туралы тапсырма берді.
