Депутаттар қаланың саябақтары мен қоғамдық кеңістіктерді аралады

Алдағы құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссия отырысына дайындық аясында мәслихат депутаттары қаладағы бірқатар саябақтар мен қоғамдық кеңістіктерді аралап шықты.

Іссапардың негізгі мақсаты – абаттандыру мәселелерін жергілікті жерде талқылау, оның ішінде көгалдандыру, жасыл желектерге дұрыс күтім жасау, сондай-ақ суару жүйелерінің жай-күйі мен тиімділігіне назар аудару болды.

Әрбір нысанда жасыл желектердің қазіргі жағдайы зерделеніп, суару жүйелерінің тиімділігі бағаланып, проблемалық учаскелер анықталды.

Барлық ескертулер мен ұсыныстар комиссия отырысында қаралып, нақты шешімдер қабылданатын болады.