Елорда мәслихатының депутаттары білім беру нысандарына барды

Елорда мәслихатының депутаттары Amanat партиясымен бірлесіп, ағымдағы жылға арналған реновация және күрделі жөндеу бағдарламасына енгізілген білім беру нысандарын аралауды бастады. Бағдарлама аясында биыл 8 мекемені жаңарту жоспарланған: оның ішінде 6 мектеп және 2 балабақша бар.

Оқу жылы аяқталғаннан кейін ауқымды жөндеу жұмыстары басталады. Атап айтқанда, шатырды ауыстыру, жертөле бөлмелерін жөндеу, ішкі инженерлік желілерді жаңарту, сондай-ақ ғимараттардың жалпы жағдайын жақсарту қарастырылған.

Айта кету керек, бұл білім беру мекемелерінің көпшілігі өткен ғасырдың 60–70 жылдары қаланың ескі бөлігінде салынған және бүгінде кешенді жаңғыртуды қажет етеді.

Бағдарламаны жүзеге асыру балалардың оқуына және тәрбиесіне қолайлы әрі қауіпсіз жағдай жасауға мүмкіндік береді.