Мемлекет басшысы Қасым-Жомарт Тоқаевтың қатысуымен барлық деңгейдегі мәслихат депутаттарының форумы өтті

Форумға Қазақстанның барлық өңірлерінен екі мыңнан астам депутат жиналды. Президент өз сөзінде мәслихаттардың өңірлерді дамытудағы маңызды рөлін атап өтті.

Негізгі басымдықтар ретінде халықпен кері байланысты күшейту, жергілікті биліктің ашықтығы мен жауапкершілігін арттыру, кәсіпкерлікті қолдау, инфрақұрылымды дамыту және азаматтардың өмір сүру сапасын жақсарту мәселелері белгіленді.

Форум депутаттар үшін тәжірибе алмасуға және өңірлердің дамуына бағытталған ортақ міндеттерді талқылауға мүмкіндік берді.