Алдағы маслихат сессиясына, қаладағы тұрғын алаптарды дамыту мәселелері мен перспективаларына арналған дайындық аясында депутаттар «Есіл» ауданындағы бірқатар нысандарға барды

Жұмыс сапары «Пригородный» тұрғын алабынан басталды. Сол жерде тұрғындар үшін ең өзекті мәселелердің бірі — қазандықты газдандыру мәселесі жан-жақты талқыланды. Қазіргі таңда қазандық бірнеше көппәтерлі үйлерді және әлеуметтік нысандарды қамтамасыз етеді. Дегенмен, бар шектеулерге байланысты жаңа нысандар қазандыққа қосылмай отыр. Көк отынға көшу жақын арада жүзеге асырылуы қажет. Бұл жылу беру сенімділігін арттырып, экологиялық жағдайды жақсартып, тұрғын алапты әрі қарай дамытуға мүмкіндік береді.

Кейін депутаттар «Тельмана» тұрғын алабына барды. Мұнда тұрғындар бірқатар маңызды мәселелерді көтеріп отыр. Оның бірі — канализация жүйесін салу. Сонымен қатар балалар алаңдарын құру жөнінде де өтініштер түсті. Двор аумағын абаттандыру мәселесі назарға алынды. Алайда осы жобаны жүзеге асыру үшін қасындағы ғимаратты бұзу қажет, бұл депутаттық корпус құзыретіне кірмейді. Дегенмен бұл мәселе тиісті уәкілетті органдармен қосымша қарастырылады.

Жұмыс сапарының соңғы нысаны «Шубар» тұрғын алабы болды. Мұнда негізгі мәселе — орталықтандырылған канализация жүйесін салу. Тұрғындар бұл проблеманы бірнеше рет көтерген, себебі заманауи инженерлік инфрақұрылымның болуы өмір сапасына және аумақты әрі қарай дамытуға тікелей әсер етеді. Барлық айтылған өтініштер назарға алынып, профильді басқармалармен бірлесіп қарастырылады.