Компанияның «Mabetex Group» ұжымымен, сондай-ақ «Астана әлеуметтік технологиялар» қоғамдық бірлестігінің қызметкерлерімен кездесу өткізді

Республикалық халықтық штаб мүшелері жаңа Конституция жобасы мен алдағы референдумды талқылауға арналған ашық әрі мазмұнды диалог ұйымдастырды.

Кездесу барысында әділеттілік қағидаттарын нығайтуға, азаматтардың құқықтарына берілетін кепілдіктерді кеңейту және демократиялық институттарды дамытуға бағытталған негізгі өзгерістерге жан-жақты тоқталынды. Сонымен қатар мемлекеттің әлеуметтік жауапкершілігі, азаматтық қоғамның рөлі және ел үшін тағдыршешті шешімдерді қабылдауда әр азаматтың қатысуының маңызына ерекше назар аударылды.

Кездесуге қатысушылар өздерін толғандырған сұрақтарын қойып, пікірлерімен бөлісіп, азаматтық ұстанымдарын білдірді. Мұндай кездесулер ұсынылып отырған реформалардың мәнін түсіндіруге ғана емес, сондай-ақ еңбек ұжымдарының пікірін ескеруге де мүмкіндік береді.