«AMANAT» партиясының бастамасымен «Әділетті әрі прогрессивті Қазақстанның халықтық Конституциясы үшін» республикалық референдумын қолдауға бағытталған жалпыұлттық коалиция құрылды

Оның құрамына «Республика», «Ауыл» партиялары және Қазақстанның Халық партиясы кіріп, Негізгі заңды жаңарту және оны кең ауқымда қоғамдық талқылау идеясы төңірегінде бірікті.

Бұл шешім елдің дамуы мен әділеттілік қағидаттарын нығайту жолында саяси күштердің топтасуына бағытталған маңызды қадам болды.

Алда ауқымды түсіндіру жұмыстары күтіп тұр: тұрғындармен кездесулер, ашық диалог алаңдары, еңбек ұжымдары мен қоғамдық бірлестіктердегі талқылаулар ұйымдастырылады. Негізгі мақсат — ұсынылып отырған өзгерістерді халыққа түсінікті түрде жеткізу және азаматтармен ашық, сындарлы диалог орнату.