Астана қаласы мәслихатының депутаттары «АстанаГенплан» ЖШС базасында қаланың қоғамдық кеңістіктерін дамыту мәселесі бойынша жұмыс кеңесін өткізді

«Нұра» және «Есіл» аудандарындағы аулаларды, скверлерді, саябақтарды және басқа да демалыс аймақтарын абаттандыру жоспарлары тыңдалды.

Аудан әкімдіктері ұсынған жобалар тұрғындар үшін маңызды бағыттарды айқындайды: жайлы серуендеу аймақтарын құру, қауіпсіз балалар алаңдарын орнату, демалыс пен спортқа арналған қолайлы орындар қалыптастыру. Бастамалардың басым бөлігі қаржыландыруды қажет ететіндіктен, талқылау барысында жобаларды кезең-кезеңімен іске асыру, жеке инвестицияларды тарту және мемлекеттік-жекеменшік әріптестік тетіктерін қолдану мәселелері қаралды.

Мұндай кешенді жоспарлау қаланың көркін жақсартумен қатар, тұрғындардың өмір сүру сапасын арттыруға бағытталған. Қоғамдық кеңістіктер – бұл жайлылық, қауіпсіздік және отбасы мен достармен белсенді уақыт өткізу мүмкіндігі, сондай-ақ елорда келбеті.

Жұмыс жалғасады: осы аптада елорданың өзге аудандарының есептері тыңдалып, алдағы қадамдар жан-жақты талқыланып, нақты шешімдер қабылданады.