Заңдылық, құқық тәртібі жәнежұртшылық пен жұмыс мәселелері жөніндегі тұрақты комиссияның отырысы
Қалалық мәслихатта Азамат Айтхожиннің төрағалығымен заңдылық, құқық тәртібі және жұртшылық пен жұмыс мәселелері жөніндегі тұрақты комиссияның отырысы өтті. Жиынның тақырыбы: «Жер учаскелерін мемлекет мұқтажы үшін алып қою практикасы және рәсімдердің ашықтығын қамтамасыз ету (құнын қалыптастыру тәртібі, жерді алып қою жоспарының болуы және іске асырылуы, басымдық критерийлері)».
Тұрақты комиссия отырысының жұмысына кәсіби бағалаушылар палатасының өкілдері қатысты.
Тұрғын үй және тұрғын үй инспекциясы басқармасының басшысы Әнуар Саипов баяндама жасап, мемлекеттік инфрақұрылым нысандары, әлеуметтік жобалар, қоршаған ортаны қорғау және өзге де маңызды мақсаттар үшін жерді алып қою қажеттілігі туралы шешімдер қабылдау практикасын таныстырды. Сондай-ақ ол заңнамада көзделген құқықтық негіздерге тоқталды. Спикер ұзақ мерзімді әлеуметтік және экономикалық тиімділікті ескере отырып, алып қоюды жоспарлауға жүйелі көзқарас қажеттігін атап өтті.
«Қалалық жылжымайтын мүлік» ШЖҚ МКК директоры Александр Строчков өз сөзінде жер учаскелерін алып қою саласындағы қазіргі құқық қолдану практикасына тоқталды. Оның айтуынша, өтініштер мен дауларды талдау көрсеткендей, қазіргі уақытта мемлекет мұқтажы үшін жер учаскелерін алып қоюға байланысты істердің тек 18-19%-ы ғана сот органдарына беріледі. Оның пікірінше, бұл нарықтық құнның өзгеруімен байланысты.
Талқылау барысында депутаттар сот талқылауларының пайызы салыстырмалы түрде төмен болғанымен, сотқа жүгіну прецеденттері әлі де сақталып отырғанына назар аударды. Осыған байланысты депутаттық корпус өкілдері: жер құнын анықтау және алып қою туралы шешім қабылдау кезіндегі келіспеушіліктерді барынша азайтуға мүмкіндік беретін бірыңғай, нақты критерийлерді әзірлеу және бекіту мүмкіндігін түсіндіруді сұрады.
Атап айтқанда, депутаттар бағалау мен басымдыққа деген көзқарастарды біріздендірудің маңыздылығын, сондай-ақ барлық меншік иелеріне бірдей қолданылатын түсінікті әрі ашық тетіктердің қажеттілігін баса айтты.
Талқылау қорытындысы бойынша қатысушылар бұл мәселені барлық мүдделі тараптардың қатысуымен қосымша қарау қажет деген қорытындыға келді.
