«Сарайшық» ауданында Жұмысшы мамандықтар аллеясы ашылды
19.09.2025
Астанадағы «Сарайшық» ауданында еліміздің өркендеуі мен тұрғындардың күнделікті жайлы өмірін қалыптастырып жүрген еңбек адамдарына арналған Жұмысшы мамандықтар аллеясы мен сквері салтанатты түрде ашылды.
Аллеяда 300 ағаш отырғызылып, жұмысшы мамандықтарына арналған әсем мурал ашылды, сонымен қатар арнайы техника көрмесі, фотокөрме және концерттік бағдарлама өтті. Суретшілер шара барысында әртүрлі мамандық иелерінің бейнелерін қылқаламмен қағазға түсірді.
Бұл аллея -еңбектің құндылығын және жұмысшы мамандықтарының қала өміріндегі маңызын айшықтайтын символикалық орын. Ал аудан тұрғындары үшін бұл жерде балалар ойын алаңдары, спорттық жаттығу құрылғылары мен көлеңкелі жасыл демалыс аймақтары бар жаңа саябақ пайда болды.
Жоба Жұмысшы мамандықтар жылы аясында жүзеге асырылды.