Қала әкімінің бірінші орынбасары Нұрлан Нүркеновпен бірге «АстанаГенплан» ЖШС-да көшпелі кеңес өткізілді

Астананы 2035 жылға дейін дамытудағы негізгі бағыттарды талқыланды. Атап айтқанда халық санының өсуі және әлеуметтік инфрақұрылыммен қамтамасыз ету; көлік жүйесін дамыту және айналма жолдар салу; сумен жабдықтау, су бұру және жылумен қамту мәселелері; жаңа қоғамдық кеңістіктер құру және елорданы көгалдандыру; инвестициялар тарту және ірі жобаларды жүзеге асыру.

Депутаттар қолданыстағы Бас жоспарға енгізілген өзгерістер мен толықтырулар жобасымен танысып, басты мақсат – әрбір тұрғын үшін жайлы, қауіпсіз және заманауи астана құру екенін атап өтті.

Кеңес қорытындысы бойынша, қоғамдық талқылаулар барысында елордалықтардан түскен ұсыныстар мұқият ескерілетіні жеткізілді.