Елордада көшелер мен аулаларды жөндеу кезінде алынған құрылыс материалдарын сақтау қоймасына барып, көшпелі жиын өткізілді

Мұнда шағын архитектуралық формалар, балалардың спорттық алаңдары, қоршаулар және басқа да бұзылған нысандардан алынған материалдар жинақталып сақталады.

Бұған дейін: «Бұл материалдар қайда кетеді? Қайта пайдалануға келе ме?» деген сұрақтар жиі туындаған болатын. Есептеу бойынша, егер сақтау мен үлестіру жүйелі ұйымдастырылса, алынған материалдардың жартысына жуығын қайта пайдалануға болады. Бұл өз кезегінде жаңа материалдарды сатып алуға кететін шығынды азайтады, бюджет қаржысын үнемдеуге және табиғатқа зиян келтірмеуге мүмкіндік береді.

Депутаттар қоймадағы есеп жүргізу тәртібімен және сақтау жағдайымен танысты. Дегенмен, бірыңғай дерекқордың, қозғалысты бақылаудың және материалдарды пайдалануда ашықтықтың жетіспейтінін атап өттік. Болашақта бұл материалдардың қоймада шаң басып жатпай, қала игілігіне қызмет ету жолдарын қарастырамыз.