Астана қаласының атаусыз көшесіне Месроп Маштоц атын беру туралы

Қалалық мәслихатта Астана қаласының атаусыз көшесіне Месроп Маштоц есімін беру мәселесі бойынша көпшілік тыңдаулары өтті.

Тілдерді дамыту және архив ісі басқармасының басшысы Сәкен Есіркеп баяндады. Ол депутаттарға ҚР Президентінің тапсырмасы бойынша елорда көшелерінің біріне армян ғалымы-тілтанушы, армян әліпбиін жасаушы, армян әдебиеті мен жазуының негізін қалаушы, ағартушы, миссионер Месроп Маштоцтың есімін беру туралы ұсыныс енгізіліп жатқанын хабарлады. Ұзындығы 750 метр атаусыз көше «Астана-Арена» стадионы мен «Сарыарқа» велотрегі арасында орналасқан. Сондай-ақ, Есіркеп Қазақстан Республикасы Сыртқы істер министрлігінің ақпараты бойынша, ағымдағы жылдың 11 ақпанында Ереван қаласының Ақсақалдар кеңесі Ереван қаласының Аван ауданында (жалпы ауданы 2400 шаршы метр) орналасқан саябаққа (Алматы көшесі бойында) Абай Құнанбаевтың есімін беру туралы шешім қабылдағанын айтты.

 «Түркістан» халықаралық газетінің бас редакторы, Астана қаласы бойынша Қазақстан Жазушылар одағы филиалының директоры, ақын Бауыржан Бабажанұлы сөз сөйлеп, қаланың атаусыз көшелерінің біріне армян ғалымы, ағартушы Месроп Маштоцтың есімін беру жөнінде өз ұстанымын білдірді. Оның пікірінше, көшелерді басқа елдерден келген көрнекті адамдардың есімдерімен атау халықтардың өзара түсіністігіне ықпал етеді, басқа елдердің мәдениетіне құрмет көрсетеді.

 Депутаттар бұл ұсынысты қолдады, бірақ қаланың дамуына үлес қосқан отандастардың, еңбек адамдарының есімдерін беру мүмкіндігін қарастыру керектігін еске салды. Сонымен, ардагерлер тізімге Киров (қазіргі Көктал 1) совхозының даяршысы, Социалистік еңбек батыры, көптеген шақырылымдардың депутаты Сания Рахымжанованың, қаланың құрметті азаматы, мемлекеттік тілдің дамуына үлес қосқан адам Алдан Смайылдың есімдерін енгізу туралы ұсыныс жасады. Олардың пікірінше, басқармаға бұл атауларды ономастикалық комиссия мүшелерімен талқылануы үшін жаңа тізімге енгізу керек.  

Депутат Давид Лория оларға аттас көшеде орналасқан скверге  К. Күмісбековтің есімін беру туралы ұсыныс жолданғанын айтты. Алайда, тілдерді дамыту және архив ісі басқармасынан скверді көше деп те атауға болмайтындығына байланысты бас тарту келді.  

Депутат Владислав Сергеев көшелерге, скверлерге, қоғамдық кеңістіктерге адамдардың есімдерін беру механизмін егжей-тегжейлі зерделеуді ұсынды.