Биыл «Сарыарқа» ауданында 10 жабық үлгідегі аялдама кешені орнатылады

Сонымен қатар, ауданда реновация бағдарламасы белсенді жүзеге асырылып жатыр. Бірқатар ірі инвесторлар аудан аумағында жобаларды жүзеге асыруға қызығушылық білдіруде.

Бүгін аудан әкімі Жанасыл Шаукентаевтың «Сарыарқа» ауданының әлеуметтік-экономикалық дамуы жөніндегі есебі тыңдалды. Аудан елордадағы халық ең тығыз қоныстанған және ең көне аймақтардың бірі болып саналады. Мұнда апатты және ескі үйлерді сүру мәселесіне ерекше көңіл бөлінуде.

Ауданның қосымша қажеттіліктері де айтылды. Олардың қатарында тұрғын алаптарда жолдарды жөндеу және салу, инженерлік инфрақұрылымды жаңарту, аулаларды абаттандыру, ескі үйлерді сүру және басқа да мәселелер бар.

Отырыс барысында ауданнан сайланған мәслихат депутаттары — Бауыржан Смаилов, Давид Лория және Жандос Рахмет тұрғындармен кездесулер барысында түскен ұсыныстар мен депутаттық сауалдарды жеткізді. Олар жағалауларды абаттандыру, көгалдандыру, көше жарығы, бейнебақылау камераларын орнату және басқа да мәселелерге қатысты болды.