Құрметті педагогтар, білім беру саласының қызметкерлері, осы саланың ардагерлері!

Сіздерді Мұғалімдер Күнімен шын жүректен құттықтаймын. Күнделікті қажырлы еңбектеріңіз үшін үлкен алғыс айтамын. Бұл – шын мәнінде баршаға ортақ мереке.

«Адамның адамшылығы – жақсы ұстаздан» деп ұлы Абай айтып кеткен.  Ұстаз тәрбиесі мен өнегесі оқушының болашақ азығы. Жақсы ұстаздан тәлім-тәрбие алған шәкірт өмір жолында жаңылыспай, болашақ бағдарынан таймасы анық. Ұстаз болу –  жоғары кәсіпқойлықты, орасан зор ақыл-ой күшін, даналықты, шыдамдылық пен адалдықты қажет ететін мамандық. Сіздер ізгі идеяларды жүзеге асырушылардың алдыңғы қатарысыздар. Жас ұрпақтың бойына жақсы қасиеттерді, Отанға деген сүйіспеншілікті дарытып, өмірдің қыр-сырын танытатын да – Сіздер, ардақты ұстаздар!  Мектептің басты мақсаты – заманауи білім беру мен жас ұрпақтың ой-санасын ояту. Ой-санасы биік баланың мәдениеті де жоғары. Алайда, бала тәрбиесіне тек мектеп пен мұғалім ғана емес, ата-ана, қоғам болып ат салысып, жауаптылық сезіну тиіс.

Мерейлі мереке қарсаңында баршаңыздың дендеріңізге саулық, отбасыларыңызға амандық, еңбектеріңізге шығармашылық табыс, бастамаларыңызға сәттілік, бақ-береке мен үміттеріңізді ақтайтын шәкірттер тілеймін!

Құрметпен,
Астана қаласы
мәслихатының төрағасы Е. Каналимов